ივლისში BTC-ით გადაზიდული ნავთობის მოცულობა 4%-ით გაიზარდა

მიმდინარე წლის ივლისში, ბაქო-თბილისი-ჯეიჰანის (BTC) მილსადენით თურქეთში 16.510 მილიონი ბარელი ნავთობი გადაიზიდა.

აღნიშნულის შესახებ თურქული მილსადენის ოპერატორი BOTAS იუწყება.

ანგარიშის თანახმად, მოცემული მაჩვენებელი 636 000 ბარელით, ანუ 4%-ით აღემატება გასული წლის ივლისის მაჩვენებელს.

მიმდინარე წლის იანვარ-ივლისში, BTC მილსადენით 115 438 მილიონი ბარელი ნავთობი ტრანსპორტირდა  თურქეთში. მოცემული მაჩვენებელი 11.512 მილიონი ბარელით, ანუ 9.07%-ით ნაკლებია 2020 წლის პირველი შვიდი თვის მაჩვენებელზე.

შეგეხსენებთ, რომ BTC მილსადენი ნავთობს იღებს აზერბაიჯანიდან, უფრო კონკრეტულად კი, აზერბაიჯან-ჩირაგ-გუნეშლის (ACG) ბლოკიდან ნავთობს და შაჰ დენიზის საბადოდან კონდენსატს. გარდა ამისა, ნედლი ნავთობისა და კონდენსატის სხვა მოცულობები, მათ შორის ნავთობი თურქმენეთიდან, რუსეთიდან და ყაზახეთიდან, ასევე ტრანსპორტირდება BTC–ით.

ნინო სამადაშვილი