ნავთობის ექსპორტი რუსეთიდან 7 თვეში 9.1%-ით შემცირდა

რუსული ნავთობის ექსპორტმა 2021 წლის იანვარ-ივლისში 122.01 მილიონი ტონა შეადგინა, რაც 9.1%-ით ნაკლებია 2020 წელის ანალოგიურ პერიოდთან შედარებით. საშუალო დღიურმა ექსპორტმა მთლიანობაში 4.22 მილიონი ბარელი შეადგინა.

მიმდინარე წლის შვიდი თვის განმავლობაში, სულ 108,37 მილიონი ტონა ნედლი ნავთობი გავიდა ექსპორტზე AK Transneft–ის ნავთობსადენის მეშვეობით.

ყაზახეთის ტრანზიტმა 2021 წლის იანვარ-ივლისში შეადგინა 7.82 მილიონი ტონა (ივლისში – 1.09 მილიონი ტონა), ბელორუსიის ტრანზიტმა – 990.8 ათასი ტონა (ივლისში – 148.5 ათასი ტონა), აზერბაიჯანის – 583.29 ათასი ტონა (ივლისში – 84.74 ათასი ტონა), ხოლო თურქმენეთის – 1.13 მილიონი ტონა (ივლისში – 79,99 ათასი ტონა).

2021 წლის იანვარ-ივლისში რუსულმა ნავთობკომპანიებმა მეზობელი ქვეყნების ნავთობის მიწოდება 15.5%-ით გაზარდეს – 7.09 მილიონ ტონამდე.

ნინო სამადაშვილი