ერაყის ნავთობის გაყიდვების ძირითადი ბაზარი ჩინეთია

2021 წლის პირველი ექვსი თვის განმავლობაში ერაყმა მიიღო 33 მილიარდი დოლარი, ამასთან ჩინეთი აღმოჩნდა გაყიდვების ძირითადი ბაზარი. ქურთისტანის სააგენტო Rudaw-ს მიერ გავრცელებულ ინფორმაციაზე დაყრდნობით, იუწყება “ნავთობპროდუქტების იმპორტიორთა კავშირი”.

ნავთობის ექსპორტთან დაკავშირებული მონაცემები კვირას გამოაქვეყნა ერაყის სახელმწიფო ორგანიზაციამ ნავთობის მარკეტინგთან დაკავშირებით (SOMO).

SOMO-ის გენერალური მენეჯერის მოადგილე ალი ნიზარ ფაკის განცხადებით, “ერაყის მსუბუქი, საშუალო და მძიმე ნედლი ნავთობის გაყიდვებმა სამხრეთ ბასრას ტერმინალიდან, ასევე კირკუკის ჩრდილოეთ ტერმინალიდან, რომლის ექსპორტიც განხორციელდა Oil Marketing Company-ის მიერ თურქეთის პორტი ჯეიჰანის გავლით, მიაღწია 33 მილიარდ დოლარს, ხოლო საშუალო ყოველთვიური მაჩვენებელი შეადგენს დაახლოებით 5 მილიარდ 500 მილიონ დოლარს”.

ერაყის ქურთისტანიდან ნავთობის ექსპორტმა შეადგინა 4.8 მილიარდი დდოლარი. ერაყის ნავთობის ნომერი პირველი ბაზარი არის ჩინეთი, შემდეგ ინდოეთი. დღეისათვის OPEC–მა შეამსუბუქა შეზღუდვები ერაყისთვის ნავთობის მოპოვებასა და გაყიდვაში.