EnergyNews EnergyNews.ge
ბენიამინ ნეთანიაჰუმ განაცხადა, რომ ყველაზე დიდი ეგზისტენციალური საფრთხე, რომლის წინაშე ისრაელი დგას, ირანის მიერ ბირთვული იარაღის მოპოვების შესაძლებლობაა.
ისრაელის საგარეო დაზვერვის სამსხურის „მოსადის“ ახალი დირექტორის წარდგენის ცერემონიაზე ბენიამინ ნეთანიაჰუმ აღნიშნა, რომ ისრაელი ირანის წინააღმდეგ საიდუმლო ოპერაციების ჩატარებას განაგრძობს.
„ჩემს მეგობარს ჯო ბაიდენს ამას 40 წლის განმავლობაში ვეუბნებოდი და ახლაც ვეტყვი: ჩვენ ყველაფერს გავაკეთებთ, რათა ირანმა ბირთვული შეიარაღება არ მიიღოს. იმედია, ეს არ მოხდება, მაგრამ თუ არჩევანის გაკეთება მოგვიწევს ჩვენს დიდ მეგობართან აშშ-თან დაძაბულობასა და ეგზისტენციალური საფრთხის აღმოფხვრას შორის, ეგზისტენციალური საფრთხის აღმოფხვრა გაიმარჯვებს“, – განაცხადა ბენიამინ ნეთანიაჰუმ.
24 მაისს მან აღნიშნა, რომ ისრაელი ყველაფერს გააკეთებს, რათა ირანმა ბირთვული პოტენციალი არ მოიპოვოს, ვინაიდან საუბარია ისრაელის არსებობაზე.
