EnergyNews EnergyNews.ge
“ნავთობპროდუქტების იმპორტიორთა კავშირის” ცნობით, OPEC–ის ქვეყნებმა უცვლელი დატოვეს არსებული შეთანხმებები ნავთობის მოპოვების გაზრდის შესახებ ივლისის თვეში მიწოდებისა და მოთხოვნილების ბალანსის შესანარჩუნებლად.
“ოპეკი +”-ის მონაწილეთა შეხვედრა გაიმართა გუშინ, 1 ივნისს ვიდეოკონფერენციის რეჟიმში.
”ივნისისთვის ოპეკისა და ოპეკში არშემავალი ქვეყნები ელიან საშუალო ხუთწლიან ნიშნულზე გასვლას მარაგების მიხედვით, ეს შეთანხმების ერთ-ერთი მთავარი მიზანია”, – განაცხადა რუსეთის ფედერაციის ვიცე-პრემიერმა ალექსანდრე ნოვაკმა.
ამრიგად, ოპეკისა და ოპეკში არშემავალი ქვეყნების მიერ მოპოვების ზრდა ივლისის თვეში შეადგენს 441 ათას ბარელს/დღეში, ივნისში – 300 ათას ბარელს/დღეში, მაისში – ასევე 300 ათას ბარელს/დღეში.
”შედეგად, ივნისის თვის ბოლოსთვის ჩვენ მივაღწევთ მიზნობრივ დონეს, რომელიც დადგენილია გასული წლის ხელშეკრულებით”, – თქვა ალექსანდრე ნოვაკმა.
ცნობისათვის, ” ოპეკის +”-ის მინისტრთა მორიგი მე–18 შეხვედრა დაგეგმილია 2021 წლის 1 ივლისს.
