EnergyNews EnergyNews.ge
რუსეთმა აპრილის თვეში მოიპოვა 43 მილიონი ტონა ნავთობი (გაზის კონდენსატის ჩათვლით), რაც 7.3%-ით ნაკლებია წინა წლის მაჩვენებელთან შედარებით – რუსეთის სტატისტიკის სამსახურის მონაცემებზე დაყრდნობით, აცხადებს “ნავთობპროდუქტების იმპორტიორთა კავშირი”.
2021 წლის მარტის თვესთან შედარებით მოპოვება შემცირდა 0,9%-ით. 2021 წლის 4 თვის განმავლობაში მოპოვებულ იქნა 168.1 მილიონი ტონა ნავთობი გაზის კონდენსატის ჩათვლით, რაც 10%-ით ნაკლებია 2020 წლის იანვარ-აპრილის თვის მაჩვენებელთან შედარებით.
ნავთობის მოპოვებამ გაზის კონდენსატის გარეშე შეადგინა 39.8 მლნ ტონა, რაც 9%-ით ნაკლებია 2020 წლის აპრილის თვის მაჩვენებელთან შედარებით და 1%-ით ნაკლები 2021 წლის მარტის თვის მაჩვენებელთან შედარებით, ნათქვამია ქვეყნის სტატისტიკის სამსახურის განცხადებაში.
რუსეთს, რომელიც მონაწილეობს “OPEC +”-ის გარიგებაში ნავთობის მოპოვების შეზღუდვის შესახებ (კონდენსატი არ არის გათვალისწინებული ხელშეკრულებაში), აპრილის თვეში უფლება ჰქონდა გაეზარდა ნავთობის მოპოვება 130 ათასი ბარელით/დღეში მარტის თვის მაჩვენებელთან შედარებით და მოეპოვებინა 9,379 მილიონი ბარელი/დღეში.
