“ჰესის ზეგავლენა ტვიშის ხარისხობრივ მაჩვენებლებზე გამორიცხულია”

ენგურჰესი ნამახვანჰესზე რამდენჯერმე დიდია თავისი სარკის ფართობით და ამ შემთხვევაშიც კი მაქსიმალური გავლენა რამდენიმე ასეული მეტრით არის შემოსაზღვრული. შესაბამისად, ტვიშის ხარისხობრივ მაჩვენებლებზე ზეგავლენა სრულიად გამორიცხულია, – ამის შესახებ ტელეკომპანია „იმედის“ გადაცემაში „იმედის ფაქტორი“ გარემოს დაცვის მინისტრმა, ლევან დავითაშვილმა განაცხადა.

„გარემოსდაცვით გადაწყვეტილებაში ძალიან მკაფიოდ არის განხილული მიკროზონების საკითხი. კომპანია „ტერაკლიმა“ აკეთებდა დეტალურ შეფასებებს, რომლებიც ემყარება მრავალწლიან დაკვირვებებს. ეს დაკვირვებები წარმოებდა ენგურჰესის მიდამოებში და ყველაზე სანდო ინფორმაცია გვაქვს სწორედ იქიდან, თუ რა გავლენა შეიძლება ჰქონდეს ამას კლიმატის ცვლილებაზე. ენგურჰესი ნამახვანჰესზე რამდენჯერმე დიდია თავისი სარკის ფართობით და ამ შემთხვევაშიც კი მაქსიმალური გავლენა რამდენიმე ასეული მეტრით არის შემოსაზღვრული. შესაბამისად, ტვიშის ხარისხობრივ მაჩვენებლებზე ზეგავლენა სრულიად გამორიცხულია“, – განაცხადა დავითაშვილმა.