“გაზპრომმა” და “შელმა” სტრატეგიულ თანამშრომლობაზე ხელშეკრულება გააფორმეს

“გაზპრომმა” და “შელმა” ხელი მოაწერეს ხელშეკრულებას ხუთწლიანი სტრატეგიული თანამშრომლობის შესახებ, რომელიც ითვალისწინებს სათბურის გაზების ემისიების შემცირებას, იუწყება “გაზპრომი”.

“გარდა ამისა, განსაკუთრებული ყურადღება დაეთმობა ენერგეტიკული ბაზრების შესწავლას, ახალი პროექტების განხორციელებას, ინფრასტრუქტურის განვითარებასა და ტექნოლოგიების ციფრულ სისტემებზე გადასვლას” – ნათქვამია ანგარიშში.

”დღეს ჩვენ ახალი ნაბიჯი გადავდგით ჩვენი თანამშრომლობის განვითარებაში. ამ ხელშეკრულების ხელმოწერის ფაქტი მეტყველებს ჩვენი ერთობლივი საქმიანობის კარგ შედეგებზე და ამბიციური მიზნების უახლოეს და გრძელვადიან პერსპექტივაში დასახვაზე. ეჭვგარეშეა, დაგროვილი გამოცდილება არის ჩვენი მიღწევების გასაღები მომავალში ”, – თქვა გაზპრომის აღმასრულებელმა დირექტორმა ალექსეი მილერმა.

ნინო სამადაშვილი