პრეზიდენტმა სემეკ-ის წევრობის კანდიდატები დაასახელა

ენერგეტიკის მარეგულირებელი კომისიის წევრობის კანდიდატების შერჩევის პროცესი მაისში დაიწყო. პრეზიდენტის ადმინისტრაციის ინიციატივით შერევის პროცესში ჩართულნი იყვნენ როგორც დარგის ექსპერტები ისე არასამთავრობო ორგანიზაციები. მაშინ ადმინისტრაციის მხრიდან გაცხადდა, რომ წევრების კანდიდატების დასახელება, 1 თვის ვადაში უნდა მომხდარიყო, თუმცა საბოლოო გადაწყვეტილება მხოლოდ დღევანდელ პრესკონფერენციაზე გაცხადდა.

პრეზიდენტმა, გიორგი მარგველაშვილმა სემეკ-ის წევრობის სამი კანდიდატი დაასახელა. როგორც ეკონომიკურ საკითხებში პრეზიდენტის მრჩეველმა , გიორგი აბაშიშვილმა განაცხადა, პრეზიდენტმა სემეკ-ის წევრობის კანდიდატებად დავით ასლანიშვილი, გიორგი ფანგანი და მარინა გულედანი წარადგინა.

პრეზიდენტი დასახელენულ კანდიდატებს პარლამენტში წარსადგენად მთავრობას გადაუგზავნის.

კომისია 5 წევრისგან შედგება, ამჟამად მას 3 წევრი ჰყავს, ერთ-ერთ მათგანს უფლებსამოსილების ვადა ოქტომბერში ეწურება. თუ ამ პერიოდისთვის ერთი ახალი წევრი მაინც არ დამტკიცდა, კომისია სხდომებს ვერ ჩაატარებს, რადგან კვორუმი არ ექნება.