აზერბაიჯანის ნავთობის ფონდის ქონება 2020 წელს 241 მილიონი დოლარით გაიზარდა

აზერბაიჯანის სახელმწიფო ნავთობის ფონდის (SOFAZ) აქტივები 2020 წელს 0,56% -ით, ანუ 241 მილიონი დოლარით გაიზარდა და 43 მილიარდ 564,3 მილიონი დოლარი შეადგინა.

SOFAZ- ის პრესსამსახურის ცნობით, მიუხედავად იმისა, რომ ფონდის ხარჯებმა გადააჭარბა მის შემოსავალს ნავთობის ფასების შემცირების გამო, აქტივები გაიზარდა ბიუჯეტის შემოსავლებისა და აქტივების მენეჯმენტიდან მიღებული მოგების წყალობით.

კერძოდ, 2020 წლისთვის არასაბიუჯეტო და ადმინისტრაციული შემოსავლების ჯამურმა თანხამ 3,2 მილიარდი დოლარი შეადგინა.

SOFAZ– ის შემოსავლებმა 2020 წლისთვის შეადგინა 9 მილიარდი 360,8 მილიონი მანათი (5 მილიარდი 506,3 მილიონი დოლარი). ამავდროულად, ფონდის შემოსავალმა მომგებიანი ნავთობისა და გაზის რეალიზაციიდან შეადგინა 6 მილიარდი 587,3 მილიონი მანათი, ხოლო ტრანზიტიდან შემოსავლებმა – 20,4 მილიონი მანათი.

საანგარიშო პერიოდისთვის ფონდის აქტივების მენეჯმენტიდან მიღებულმა შემოსავალმა შეადგინა 1 მილიარდ 978.6 მილიონი მანათი (1 მილიარდი 163.9 მილიონი აშშ დოლარი), ანუ SOFAZ–ის მთლიანი შემოსავლების 21.2%.

2020 წლის სავალუტო კურსის სხვაობიდან მიღებულმა საბიუჯეტო შემოსავლებმა შეადგინა 3 მილიარდ 473,9 მილიონ მანათი (2 მილიარდ 43,5 მილიონ აშშ დოლარი).

ზოგადად, ფონდის ხარჯებმა 2020 წელს 12 მილიარდი 425,3 მილიონი მანათი (7 მილიარდი 309 მილიონი დოლარი) შეადგინა. აქედან, ფონდის მიერ სახელმწიფო ბიუჯეტში გადარიცხვებმა შეადგინა 12 მილიარდ 200 მილიონი მანათი, ხარჯებმა ლტოლვილთა საცხოვრებელი პირობების გაუმჯობესებაზე – 200 მილიონი მანათი, სახელმწიფო პროგრამებისთვის განხორციელებულმა გადარიცხვებმა შეადგინა 4,1 მილიონი მანათი, ხოლო ფონდის ადმინისტრაციულმა ხარჯებმა – 21,2 მილიონი მანათი.

ნინო სამადაშვილი