საქართველოს ბანკის ენერგოკრედიტი მზის ელექტროსადგურებისთვის

გარემოზე ზრუნვისა და ელექტროენერგიის ხარჯების შემცირების მიზნით, საქართველოს ბანკი მომხმარებელს მზის პანელების შესაძენად, ენერგოკრედიტს სთავაზობს. ბანკი ეკომეგობრულ პროდუქტს ელექტროენერგიასთან დაკავშირებული ტარიფების ზრდის საპასუხოდ  ნერგავს – ამის შესახებ ინფორმაციას ბანკის საზოგადოებასთან ურთიერთობის სამსახური ავრცელებს. 

ინიციატივის ფარგლებში, მომხმარებელს შესაძლებლობა აქვს შეიძინოს და დაამონტაჟოს დანადგარები, შედეგად კი მიიღოს ელექტროენერგიის ალტერნატიული წყარო.

აღნიშნული საბანკო პროდუქტი ბიზნეს სესხს წარმადგენს და შესაბამისად განკუთვნილია მხოლოდ იურდიული პირებისთვის. სესხის მაქსიმალური მოცულობა შეადგენს 200 000 დოლარის ექვივალენტს ლარში, ვადა კი – 120 თვეს. საპროცენტო განაკვეთის გამოთვლა თითოეული მომხმარებლისთვის ინდივიდუალურად ხდება. რაც შეეხება ეფექტურ საპროცენტო განაკვეთს, ის 7%-დან იწყება და მასში გათვალისწინებულია ყველა ხარჯი, რაც თან კი ახლავს კრედიტის აღებას. მომხმარებელს ასევე შეუძლია ისარგებლოს 6 თვიანი საშეღავათო პერიოდითაც.

ბანკში აცხადებენ, რომ მომხმარებლები ასევე არ არიან შეზღუდული ელექტროსადგურებისთვის დანადგარების არჩევაში და მათ შეუძლიათ თავად შეარჩიონ სასურველი მზის პანელების მწარმოებელი კომპანია.

მათი თქმით, აღნიშნული პროდუქტის უპირატესობა იმაში მდგომარეობს, რომ მზის სხივების ელექტროენერგიად გარდაქმნა პროცესებს მაქსიმალურად ეკომეგობრულს ხდის.

ეკოლოგიაზე ზრუნვასა და ხარჯების შემცირების პარალელურად კი, მომხმარებელს ეძლევა შესაძლებლობა, გამოთავისუფლებული ფინანსური რესურსი საკუთარი ბიზნესის განვითარებას მოახმაროს. ბანკმა ახალი პროდუქტის მომხმარებლისთვის შეთავაზება პარტნიორების დახმარებით შეძლო.

„საქართველოს ბანკი კვლავ აგრძელებს ბიზნესის მხარდაჭერის მიზნით სიახლეების დანერგვას. მოხარული ვართ, წარმოგიდგინოთ სრულიად ეკომეგობრული პროდუქტი – ენერგოკრედიტი.

აღნიშნული პროდუქტი იდეალური წყაროა ალტერნატიული ელექტროენერგიის მისაღებად, რომელიც გარემოს ნაკლებად აზიანებს.

ამასთან, მისი დახმარებით მომხმარებელი შეძლებს საგრძნობლად დაზოგოს ელექტროენერგიის ხარჯები და შესაბამისად, საკუთარი ბიზნესსაქმიანობა კიდევ უფრო განავითაროს. „დაზოგე და იზრუნე გარემოზე“- ესაა ჩვენი მთავარი მიზანი ამ პროექტის განხორციელებისას.

ჩვენ არ ვჩერდებით და აქტიურად ვმუშაობთ, რომ უფრო მეტ ადამიანს, სფეროს და ბიზნესს გავუწიოთ მხარდაჭერა საკუთარი პოტენციალის მაქსიმალურად ათვისებაში“,- განაცხადა საქართველოს ბანკის მცირე და საშუალო ბიზნესის მიმართულების ხელმძღვანელმა, ზურაბ მასურაშვილმა.

დამატებითი ინფორმაცია ხელმისაწვდომია: https://bankofgeorgia.ge/ka/business/funding/solar-power

ნინო სამადაშვილი