რუსეთის შემოსავალი ნავთობისა და გაზის გაყიდვებიდან მკვეთრად შემცირდა

რუსეთის ფედერალური საბაჟო სამსახურის მონაცემების მიხედვით, ქვეყნის შემოსავალი  ნავთობისა და გაზის გაყიდვებიდან მნიშვნელოვნად  შემცირდა.

2020 წლის იანვარ-ნოემბრის თვეების განმავლობაში რუსეთიდან ნავთობის ექსპორტიდან მიღებული შემოსავალი 40.9%-ით შემცირდა 2019 წლის ანალოგიური პერიოდის მაჩვენებელთან შედარებით და შეადგინა 66.391 მილიარდი დოლარი.

ამ პერიოდში ბენზინის ექსპორტიდან მიღებული შემოსავალი 14%-ით შემცირდა, ხოლო თხევადი ბუნებრივი აირის ექსპორტიდან – 15,3%-ით. 

ადრე ვრცელდებოდა ინფორმაცია, რომ მიმდინარე წლის იანვარ-ოქტომბრის თვეებში “გაზპრომის” შემოსავალი გაზის ექსპორტიდან  44.4%-ით შემცირდა (19.038 მილიარდი დოლარამდე) გასული წლის ანალოგიური პერიოდის მაჩვენებელთან შედარებით.