BIQ წყალმცენარეების სახლი, რომელიც ენერგიას აწარმოებს

BIQ წარმოადგენს მრავალბინიან სახლს 15 საცხოვრებელი ერთეულით ჰამბურგში. ეს არის ბიო-პასიური სახლი, CO2-მწირი, თვითუზრუნველმყოფი სახლი. მას გააჩნია ერთიანი ენერგოკონცეფცია, რომელიც გულისხმობს დენისა და სითბოსათვის აუცილებელი ენერგიის მთლიანად მოპოვებას რეგენერაციული წყაროებიდან. წყალმცენარეებისგან ბიომასის მიღების შედეგად BIQ – წყალმცენრეების სახლს შეუძლია თავად აწარმოოს ენერგია. ამასთანავე, ფასადი იღებს ენერგიას, რამდენადაც იგი შთანთქავს იმ სინათლეს, რომელსაც არ იყენებენ წყალმცენარეები და მზის თერმული დანადგარის მსგავსად გამოიმუშავებს სითბოს, რომელიც შემდგომ ან უშუალოდ ცხელი წყლის მისაღებად და გასათბობად გამოიყენება, ანდა მარილხსნარით ავსებული 80 მ სიღრმის ჭაბურღილის გეოთერმული ზონდების მეშვეობით ხდება მისი შუალედური დაგროვება ნიადაგში. ამგვარად, ამ განსაკუთრებით პერსპექტიულ ენერგოკონცეფციას უნარი შესწევს ერთ ციკლში მოაქციოს მზის ენერგია, გეოთერმია, მაღალი წარმადობის გათბობის ქვაბი, ავტონომიური გათბობა და ბიორეაქტორული ფასადიდან ბიომასის მიღება“

სამხრეთ-აღმოსავლეთით მიმართული ბიორეაქტორული ფასადი წარმოადგენს მთლიანი რეგენერაციული ენერგოკონცეფციის ნაწილს. ფასადის მინის ელემენტებში მრავლდება მიკროსკოპული წყალმცენარეები, რომლებიც ფოტოსინთეზისა და მზის თერმული ენერგიის მეშვეობით აწარმოებენ ბიომასას და სითბოს. შენობა სითბოს გათბობის ენერგიად იყენებს პირდაპირ სითბოს გადამტანი სისტემის მეშვეობით, ბიომასის ენერგეტიკული უტილიზაცია კი ხდება სხვაგან.

BIQ-ს გააჩნია 200 მ2-ის მქონე წყალმცენარეების ფასადი. თითოეულ მ2-ზე დღიურად შესაძლებელია 15 გრ მშრალი მასის მოპოვება, ამ ბიომასის ბიოგაზად გარდაქმნით წელიწადში მიიღება დაახლოებით 4.500 კვტ.სთ ნეტო ენერგომოგება. შედარებისთვის: ოთხსულიანი ოჯახი წელიწადში მოიხმარს 4.000 კვტ.სთ-ს. ამგვარად, წყალმცენარეების ფასადს შეუძლია მთლიანად უზრუნველყოს ოჯახი „ბიოდენით“.

ბიორეაქტორულ ფასადში გამრავლებული წყალმცენარეები ფოტოსინთეზისა და მზის თერმული ენერგიის მეშვეობით აწარმოებენ ბიომასასა და სითბოს. ბიომასსა 80 პროცენტი მქკ ბიოგაზის დანადგარში გარდაიქმნება მეთანად (ბიოგაზად). მიკროსკოპული წყალმცენარეებისატვის საჭირო ნახშირორჟანგის (CO2) საწარმოებლად ხდება თერმოელექტროგენერატორის ექსპლუატაცია, რის მეშვეობითაც ბიოგაზი გარდაიქმნება ელ.ენერგიად და სითბოდ.

გარდა ამისა, ბიორეაქტორულ ფასადში ფოტოსინთეზისა და მზის თერმული ენერგიის მეშვეობით, რომელსაც არ მოიხმარენ წყალმცენარეები, წარმოიქმნება სითბო, ისევე როგორც მზის თერმულ მოწყობილობაში. თბოენერგოცენტრალის მეშვეობით ხდება ამ სითბოს ართმევა და მისი მიწოდება ცენტრალური გათბობის ქსელისათვის, ან ბუფერიზაცია გრუნტში.